Enerji sisteminə zərbələr Avropada nüvə riski yaradır - Baku TV

Rusiya məqsədli şəkildə Ukraynanın enerji sisteminə zərbələr endirir, bu isə nüvə elektrik stansiyalarının kritik rejimlərdə işləməsinə səbəb olur və bütün Avropa üçün genişmiqyaslı nüvə qəzası riski yaradır.

Bu barədə Ukraynanın xarici işlər naziri Andrey Sibiqa bildirib.

Onun sözlərinə görə, sistemli zərbələr nəticəsində fəaliyyətdə olan üç Ukrayna nüvə elektrik stansiyası gücünü azaltmağa məcbur qalır, bəzi hallarda isə enerji bloklarının avtomatik söndürülməsi baş verir.

Diplomat qeyd edib ki, vəziyyət Rovno və Xmelnitski nüvə elektrik stansiyalarının əraziləri üzərində Rusiya dronlarının mütəmadi uçuşları ilə daha da mürəkkəbləşir.

Nazir sonda əlavə edib ki, hazırda vəziyyət yalnız stansiya personalının peşəkarlığı sayəsində nəzarətdə saxlanılır, lakin Rusiya gərginliyi qəsdən artırmaqda davam edir.