Macarıstan Putinə qarşı Beynəlxalq Cinayət Məhkəməsinin qərarlarını yerinə yetirməyəcək

Macarıstan hökuməti Rusiya Prezidenti Vladimir Putinə qarşı Beynəlxalq Cinayət Məhkəməsinin (BCM) qərarlarını yerinə yetirməyəcək.

Bu barədə Macarıstan xarici işlər naziri Peter Siyarto məlumat verib.

Nazir Vladimir Putinin ABŞ Prezidenti Donald Trampla görüşmək üçün rahat şəkildə Budapeştə səfər edə biləcəyini söyləyib.

Siyarto xatırladıb ki, Macarıstan artıq BCM-dən çıxmaq qərarını elan edib və bu məhkəmənin qərarlarını tanımır.

“Prezident Putin yayda ABŞ-yə səfər etmişdi və orada həbs olunmadı. Əgər o, Macarıstana gəlsə, burada da həbs olunmayacaq. Ümid edirəm ki, Avropa ölkələri onun Budapeştə uçmasına icazə verəcək, çünki onun Prezident Trampla görüşü sülh naminə çox vacibdir. Əgər hansısa ölkə Rusiya Prezidentinin təyyarəsinə öz hava məkanından keçməyə icazə verməsə, bu o deməkdir ki, həmin ölkə sülh istəmir”, – Macarıstanın baş diplomatı qeyd edib.