Hikmət Hacıyev və Ceyhun Bayramov qardaş və dost müsəlman ölkələrinin səfirləri ilə görüşdü

Azərbaycanın xarici işlər naziri Ceyhun Bayramov Prezidentin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyevlə birgə İslam Əməkdaşlıq Təşkilatına üzv ölkələrin ölkəmizdə akkreditə olunmuş səfirləri ilə görüş keçirib.

Xarici İşlər Nazirliyindən verilən məlumata görə, görüşdə ölkənin qardaş və dost müsəlman ölkələri ilə əlaqələrinin daha da genişlənməsinin əhəmiyyəti, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) sədrlik prosesi, noyabr ayında keçiriləcək iclasa hazırlıq məsələləri, postmünaqişə dövründə regionda mövcud vəziyyət, Azərbaycan və Ermənistan arasında normallaşma prosesinin perspektivlərindən, digər regional təhlükəsizlik məsələlərindən ətraflı bəhs olunub.

Azərbaycan-Ermənistan normallaşma prosesi barədə ətraflı məlumat verən nazir ikitərəfli sülh danışıqlarının və prosesinin irəlilədilməsi istiqamətində ən çox səy göstərən tərəf olduğunu diqqətə çatdırıb.