Zukerberg 30 milyon istifadəçini tora salıb?

“Threads” istifadəçiləri öz profillərini ancaq “Instagram” sosial şəbəkəsində hesablarını sildikdən sonra ləğv edə bilərlər.

Bu barədə şirkətin saytında xəbər verilib.

“Siz istənilən vaxt “Threads” profilinizi deaktiv edə bilərsiniz, silmək üçün isə “Instagram” hesabınızı silməlisiniz”, – deyə məlumatda vurğulanıb.

Həmçinin “Threads” tezliklə yeniliklər edəcək ki, bu da istifadəçilərə məzmuna baxmaq, paylaşmaq, abunə olmaq və digər xidmətlərin abunəçilərini cəlb etmək imkanı verəcək.

O da bildirilir ki, “Meta” “Threads” profil məlumatlarını toplayır, tətbiqdə və korporasiyanın digər məhsullarında bütün fəaliyyətini izləyir, həmçinin istifadəçinin əlaqə saxladığı hesablar haqqında məlumat yığır.

Qeyd edək ki, “Threads” iyulun 6-da istifadəyə verilib. “Meta”nın yaradıcısı Mark Zukerberq yeni sosial şəbəkənin artıq 30 milyondan çox üzvü olduğunu açıqlayıb. Onu da bildirək ki, “Twitter” “Meta” korporasiyasını “Threads” sosial şəbəkəsini işə saldığı üçün məhkəməyə verə bilər.