14 yaşında güllələnən Meşəli sakini məhkəmədə yarasını göstərdi: Sizdə insaf var?

“Mənim günahım nə idi 14 yaşımda güllələdiniz?”.

Bunu qanunsuz erməni silahlı birləşmələrinin tərkibində 1991-ci il dekabrın 22-də Xocalı rayonunun Meşəli kəndində soyqırımı törətməkdə təqsirləndirilən Vaqif Xaçatryanın məhkəməsində iş üzrə zərərçəkmiş qismində ifadə verən Teymur Salmanov bildirib.

Zərərçəkmiş məhkəmədə Vaqif Vaçatryana hadisə zamanı ayağından aldığı xəsarətləri göstərib. O, V. Xaçatryana deyib:

“Sizin insanlığınız var? Sənin rəhmin var? 14 yaşında uşağı güllələyirsən, qanına qəltan edirsən. Hansı qanunda var körpə uşağı güllələmək? ”.