Bakıda Yaponiyadakı kimi binalar tikiləcək ?

“Azərbaycanda 9 mərtəbədən hündür yaşayış binalarının tikintisinin dayandırılması nəzərdən keçirilir”.

Bunu Milli Məclisin deputatı Vahid Əhmədov bildirib. Onun sözlərinə görə, bu məqsədlə artıq plan da hazırlanıb.

“Məndə olan məlumata görə, dövlətin bununla bağlı planları var. Plana əsasən, ölkə ərazisində 9 mərtəbədən artıq binalar tikilməyəcək. Azərbaycan və Türkiyə seysmik zonada yerləşdiyi üçün bu cür qərarların verilməsi normal haldır. Həmçinin binaların tikintisi zamanı elə mexanizm qurulmalıdır ki, Yaponiyada olduğu kimi dağıdıcı zəlzələlərə dözümlü olsun. Bütün bu kimi məsələlərə ciddi nəzarət olmalıdır. Aldığım məlumata görə, Azərbaycanda bu istiqamətdə işlər aparılır”, - deyə Vahid Əhmədov bildirib.

Məsələ ilə bağlı Dövlət Şəhərsalma və Arxitektura Komitəsinin mətbuat katibi Ramiz İdrisoğlu qeyd edib ki, Bakının baş planı hələ təsdiq edilməyib, binaların mərtəbəliliyinə hazırda ərazi planlaşdırma sənədləri və sıxlıq əmsallarına əsasən baxılır.

Bəs tikinti üzrə ekspertlər bu haqda nə deyirlər?