Pleyeri seçin:
Bakıda yolka və bəzək aksesuarlarının qiyməti necədir? | Alıcı və satıcılar danışdı
Yeni ilə sayılı günlər qaldığından paytaxt bazarlarını bayram atributları – şam ağacları, oyuncaqlar bəzəyir. Bu il də şam ağaclarının qiyməti bir çoxuna maraqlıdır.
Baku TV-nin əməkdaşı bununla əlaqədar paytaxt bazarlarından birində olub. Məlum olub ki, şam ağaclarının qiyməti həcminə, uzunluğuna və üzərindəki bəzəklərə görə dəyişir.
Minimum 20 manatdan başlayaraq alıcılara təklif edilir. Hündürlüyü 1 metr və 1 metrdən yuxarı olanlar 100-150 manat, 3 metr olanlar isə 400-450 manatdır.
Yeni il bəzəkləri arasında ən çox tələb olunanlardan biri də qapı aksesuarlarıdır. Qiymətlər 20, 25 və 40 manat arasındadır. Oyuncaqlar isə qutusu 2 manatdan 15-20 manata qədərdir.
Alıcılar paytaxtın mərkəzindəki satış qiymətləri ilə müqayisədə şəhərətrafı ticarət obyektlərində qiymətin daha münasib olduğunu deyirlər. Həmçinin ötən illə müqayisədə kəskin artım olmadığını da bildiriblər.
Kopyalandı
#Şam ağacları teqi istifadə olunub
Seçilmişlər
