Birinci Qarabağ müharibəsinin "naməlum" şəhidlərinin kimliyi bilindi

Birinci Qarabağ müharibəsində itkin düşən daha 73 nəfərin adı açıqlanıb.

Həmin 73 nəfərdən 64-ü naməlum şəhid məzarlarından tapılan şəxslərdir.

Naməlum məzarlarda dəfn olunan şəxslərin ailələri uzun illərdir onların yolunu gözləyir.

Kimliyi müəyyən olunan şəxslərdən biri Cəlil Şaxayevdir. O, 1994-cü ildə Murovdağ istiqamətində itkin düşüb.

“Neçə ildir gözümüz yollarda qalıb. Fikirdən, dərddən ürəyim xəstə düşüb”, – Cəlil Şaxayevin anası söyləyib.

Qeyd edək ki, işğaldan azad edilən ərazilərdə bu günə qədər 18 kütləvi məzarlıq aşkarlanıb. Bu məzarlıqlardan 172 nəfərə məxsus meyit qalıqları tapılıb.