Birinci Qarabağ müharibəsinin şəhidi Şahid Məmmədov torpağa tapşırıldı

Birinci Qarabağ müharibəsində itkin düşən, 31 ildən sonra şəxsiyyəti müəyyən edilən şəhid Şahid Məmmədovla Şəkinin Orta Zəyzid kəndində vida mərasimi keçirilib. Şəhidin nəşinin qalıqları kənd qəbiristanlığında dəfn olunub.

Şahid Məmmədov 1992-ci ildən könüllü olaraq müharibəyə gedib. O, Ağdərə istiqamətində gedən döyüşlərdə iştirak edib və bir neçə dəfə komandanlıq tərəfindən mükafatlandırılıb. Döyüşlərin birində ağır yaralanıb. Daha sonra onunla əlaqə saxlamaq mümkün olmayıb.

Sabir, Vəhbi və Cahangir Məmmədovlar, eləcə də bacısının qayınatası Fərhad Kazımov çıxıblar. Şahidi tapmaq, onun barədə məlumat əldə etmək üçün günlərlə şəxsi maşınlarında yol gediblər. 1993-cü ilin fevralın 28-də onun axtarışına gedən atası Sabir Məmmədov, əmiləri Vəhbi və Cahangir Məmmədovlar, eləcə də qohumu Fərhad Kazımovun olduğu avtomobil Ağdərə istiqamətində ermənilərin basdırdığı minaya düşərək hamısı həlak olub. Sonradan onların hər birinə şəhidlik statusu verilib.