"Biz adam kimi yaşamırıq" | Saray sakinlərinin şikayətinə niyə baxan yoxdur? - Baku TV

Saray qəsəbəsinin Bəxtiyar Vahabzadə küçəsinin sakinləri ərazidə yolların yararsız vəziyyətdə olmasından narazıdırlar.

Şikayətçilərin sözlərinə görə, küçədə kanalizasiya xəttinin olmaması, xüsusilə yağışlı havalarda vəziyyəti daha da çətinləşdirir. Yağışdan sonra ərazidə su yığılır və yollar keçilməz hala düşür.

Sakin Ayəniz Kərimova bildirib ki, yolun vəziyyəti uşaqların məktəbə gedib-gəlməsində də ciddi çətinlik yaradır:

“Burada kanalizasiya xətti yoxdur. Yağış yağanda su dizə qədər çıxır. Üç nəvəm məktəbə gedir, əziyyət çəkirlər. Yola çıxanda bizə gülürlər ki, hansı kənddən gəlmisiniz?!”.

Şikayətçilərin sözlərinə görə, yolun vəziyyəti nəqliyyatın hərəkətinə də maneə yaradır.

Onlar bildirirlər ki, taksi sürücüləri ərazinin yol şəraitinə görə ünvana gəlməkdən imtina edir, avtomobillər isə tez-tez yolda qalır.