Cəlilabadda 29 yaşlı qadın azyaşlı övladları ilə itkin düşdü? | Qadının anası danışdı

“Həyat yoldaşı ailə qurandan sonra qızımı Türkiyəyə apardı. Altı ay boyunca onu hamilə halda diləndirib”.

Bunu Cəlilabadda üç uşağı ilə birgə itkin düşən 29 yaşlı Şəfəq Kərimovanın anası Gülnisə Kərimova deyib.

İtkin düşən qadının anası qızının həyat yoldaşı və qohumlarının onlara hədə-qorxu gəldiklərini qeyd edib: “Hətta mənə deyirdi ki, bu evdən gedək, başqa yerdə kirayədə qalaq. Gecə mesaj göndərdi ki, evdən gedirəm, qızlarımı onun yanında böyüdə bilmərəm”.

Qeyd edək ki, polis əməkdaşları tərəfindən keçirilən tədbirlər nəticəsində Şəfəq Kərimova Bakı şəhərində tapılaraq ailəsinə təhvil verilib.