Dağ kəndində elektron kitabxana yaradıldı

Ulu öndər Heydər Əliyevin anadan olmasının 100 illiyi ilə əlaqədar Bakı Dövlət Universitetinin Sosial elmlər və psixologiya fakültəsi tərəfindən Şamaxı rayon Dağ Göylər kəndində yerləşən 2 saylı tam orta məktəbdə yeni elektron kitabxana istifadəyə verilib.

münasibətlə keçirilən tədbirdə Şamaxı Rayon İcra Hakimiyyətinin və Dağlıq Şirvan Regional Təhsil İdarəsinin rəhbər şəxsləri, Bakı Dövlət Universitetinin nümayəndələri, elm xadimləri və məktəbin müəllim heyəti iştirak edib.

Çıxış edənlər yeni kitabxananın önəmindən danışıblar. Qeyd olunub ki, beynəlxalq çıxışı olan kitabxandan nəinki kənd məktəbliləri, hətta regiondakı digər məktəblərin şagirdləri də istifadə edə biləcək.

Tədbirdə iştirak edən İsrailin Holon Texnologiya İnstitutunun prezidenti, professor Eduard Yakubov bildirib ki, yeni istfadəyə verilən elektron kitabxana elmi biliklərə əlçatanlığı artıracaq.

Sonda yeni elektron kitabxanaya baxış keçirilib. Tədbir bədii hissə ilə davam etdirilib.