Ədəbiyyatımıza ağır itki | Vəfat edən yazıçının dəfn yeri açıqlandı

Avqustun 16-da Azərbaycan Yazıçılar Birliyinin üzvü, Əməkdar incəsənət xadimi Vidadi Babanlı vəfat edib.

Bu barədə Azərbaycan Yazıçılar Birliyinin mətbuat xidmətindən məlumat verilib.

Bildirilib ki, dəfn mərasimi avqustun 17-də baş tutacaq: “Dəfn yeri və zamanı haqqında əlavə məlumat veriləcək”.

Qeyd edək ki, Vidadi Babanlı 1927-ci il yanvarın 5-də Qazax rayonunun Birinci Şıxlı kəndində anadan olub. Azərbaycan Dövlət Universitetinin (indiki Bakı Dövlət Universiteti) Filologiya fakültəsində təhsil alıb. “Azərbaycan müəllimi” qəzeti redaksiyasında ədəbi işçi vəzifəsində, “Ədəbiyyat qəzeti” redaksiyasında ədəbi işçi, sonra şöbə müdiri işləyib.

Sonradan C.Cabbarlı adına “Azərbaycanfilm” kinostudiyasının Dublyaj şöbəsində baş redaktor əvəzi, “Yazıçı” nəşriyyatında baş redaktor müavini olub. Onun ilk mətbu əsəri 1947-ci ildə “Azərbaycan gəncləri” qəzetində çıxan “Anam sən oldun” şeiridir.

Əlavə edək ki, V.Babanlı “Qazax” Xeyriyyə İctimai Birliyinin Fəxri üzvü, Prezidentin fərdi təqaüdçüsü idi.