Cəmiyyət
Pleyeri seçin:
Gürcüstan ordusunun azərbaycanlı hərbçisi həlak olub
Gürcüstan Ordusunun azərbaycanlı hərbçisi odlu silahdan açılmış atəş nəticəsində həlak olub. Bu barədə Gürcüstan Müdafiə Nazirliyi məlumat yayıb.
Bildirilib ki, iyunun 8-də Gürcüstan Müdafiə Nazirliyinin Hərbi Polis Departamenti Müdafiə Qüvvələrinin bölmələrindən birində xidmət edən 18 yaşlı hərbi qulluqçu Yusif Nəsibovun ölümü ilə əlaqədar Cinayət Məcəlləsinin 115-ci maddəsi ilə istintaqa başlayıb.
Məlumata görə, hərbi qulluqçu hadisə baş verərkən postda qarovulda olub. Atəş səsinin gəlməsindən sonra əraziyə baxış keçirilərkən Yusif Nəsibovun meyiti aşkarlanıb. İlkin məlumata görə, hərbi qulluqçu atəş nəticəsində çənəsindən yaralanıb və hadisə yerində dünyasını dəyişib.
Qeyd edək ki, 18 yaşlı Yusif Nəsibov Gürcüstanda soydaşlarımızın sıx yaşadıqları Marneuli rayonunun Qırıxlı kəndində anadan olub.
Kopyalandı
Seçilmişlər
