Heydər Əliyevin xatirəsi Berlində anıldı | Tədbirdə kimlər iştirak etdi?

Azərbaycanın Almaniyadakı səfirliyi ulu öndər Heydər Əliyevin anım günü ilə əlaqədar Berlindəki Azərbaycan Mədəniyyət Mərkəzində “Müasir Azərbaycan Respublikasının banisi və Azərbaycan xalqının ümummilli lideri” mövzusunda tədbir təşkil edib.

Anım tədbirində Almaniyanın dövlət qurumlarının təmsilçiləri, bir sıra ölkələrin səfirləri, media nümayəndələri, elm və mədəniyyət xadimləri, eləcə də Almaniyada yaşayan Azərbaycan, türk və digər dost icmaların üzvləri iştirak edib.

Azərbaycanın Almaniyadakı səfiri Nəsimi Ağayev ölkəmizin ərazi bütövlüyü və suverenliyinin tam bərpasının Heydər Əliyevin ən böyük arzusu olduğunu bildirərək artıq bunun reallığa çevrildiyini və ulu öndərin ruhunun şad olduğunu qeyd edib.

Sonra tədbir bədii hissə ilə davam etdirilib. Sonda ulu öndərin ruhuna ehsan süfrəsi açılıb.