İşə düzələndə kimlərə müavinət veriləcək? - Məbləğ açıqlandı

Valideynlərini itirmiş və valideyn himayəsindən məhrum olmuş şəxslər ilk dəfə işə düzələn zaman birdəfəlik müavinət almaq hüququna malikdirlər.

Bu barədə Milli Məclisin deputatı Vüqar Bayramov bildirib.

“Müavinətin məbləği ölkə üzrə orta aylıq əməkhaqqının beş misli qədərdir. Həmin şəxsə müraciət edən zaman 4712 manat müavinət ödəniləcək. Bu müavinəti almaq hüququ olan vətəndaşlarımız yaşayış yeri üzrə Dövlət Sosial Müdafiə Fondunun struktur bölməsinə, “DOST” mərkəzinə müraciət edə bilərlər”, – millət vəkili qeyd edib.