İsmayıllıda şəhid ailələri ilə 8 Mart tədbiri keçirilib

İsmayıllıda 8 Mart – Beynəlxalq Qadınlar Günü ilə əlaqədar şəhid anaları və ailələri ilə görüş keçirilib.

Tədbirdə rayon icra hakimiyyətinin başçısı Nahid Bağırov, I və II Vətən müharibəsi şəhidlərinin anaları, bacıları, xanımları və qız övladları iştirak ediblər.

Səmimi görüşdə rayon rəhbəri şəhid analarının qayğıları ilə maraqlanıb, vətənpərvər, mərd və şücaətli övladlar böyütdüklərinə görə şəhid analarına öz təşəkkürlərini bildirib.

Tədbirin sonunda rayon rəhbəri şəhid anaları ilə birlikdə tort kəsib, onlara öz hədiyyələrini təqdim edib.