“Manatlıq” taksilər tarixə qovuşur? | Taksi sürücüləri və sakinlər etiraz etdi

Nazirlər Kabinetinin iyulun 1-dən ölkədə istehsal tarixi 15 ildən çox olan avtomobillərin taksi fəaliyyəti ilə məşğul ola bilməyəcəyi ilə bağlı qərarı son günlər cəmiyyətin gündəm mövzusudur.

Sosial şəbəkələrdə, bəzi internet resurslarında isə bu qərar “manatlıq” taksilərin ləğv olunacağı kimi anlaşılıb və bu barədə məlumatlar yayılıb.

Ekspert Elməddin Muradlı bildirib ki, yeni qərar bütün ictimai nəqliyyat vasitələrinə şamil edilir. Amma bu, “manatlıq” taksilərin fəaliyyətinin dayandırılması demək deyil.

Taksi fəaliyyəti kimi istifadə olunan avtomobillərin yalnız ağ və qırmızı rəngdə olması, minimum “Avro-5” standartına cavab verməsi, istehsal tarixinin 15 ildən artıq olmaması yeni tələblər siyahısındadır. Bu göstəricilərə cavab verən sürücülər fəaliyyətlərinə davam edə biləcəklər. Qısası, yeni qanunun tətbiqi “manatlıq” taksilərin ləğvi yox, standartlara uyğunlaşmasıdır.