"Mən bələdiyyə deyiləm" - Əhali boğaza yığıldı | "Ay qardaş, maşın dağıldı, yolu düzəldin" - Baku TV

Sosial şəbəkələrdə yayılan görüntülərdən məlum olub ki, Abşeron rayonunun Məmmədli qəsəbəsində yollar bərbad vəziyyətdədir. Bu vəziyyət sürücülərin hərəkətində ciddi çətinliklər yaradır.

Ərazidə kanalizasiya sistemi açıq vəziyyətdədir. Çirkab sular yola axır, daşqın zamanı isə vəziyyət daha da pisləşir. Nəticədə, yol örtüyü yararsız hala düşür.

Sürücülərin sözlərinə görə, yolların bərbad vəziyyətdə olması avtomobillərin asqı sistemlərinə ciddi ziyan vurur. Onlar hər ay maşınlarını təmir etdirməli olduqlarını bildirirlər. Ərazidə kanalizasiya sularının yaratdığı üfunət qoxusundan da şikayətlənirlər.

“Yol bərbad gündədir. Hər gün uşağı məktəbə aparıb-gətirirəm, yubanıram. Kanalizasiyaların suyu axır, elə pis qoxu gəlir ki, şüşələri bağlayıb keçirik. Ürəyimiz bulanır”, – sürücülərdən biri bildirib.

“Avtomobilin altı dağılıb. 200-300 manat maşına xərc çəkməliyəm”, – başqa bir sürücü deyib.