Cəmiyyət
Pleyeri seçin:
Millət vəkili avtobus zolaqlarından niyə narazıdır?
“İndi şəhərdə yolları zolaqlamaq dəbi düşüb. Deyirlər, avtobus yoluna girmək olmaz. Bu hərəkət yolun yükgötürmə qabiliyyətini artırmır, yollarda tıxacı azaltmır”.
Bunu Milli Məclisin iclasında deputat Hikmət Məmmədov deyib.
“Bu yaxınlarda Bakı-Sumqayıt yolunda yeni zolaq yaradıblar. Bu, tıxacları artırıb, əlavə problem yaradır. Velosiped zolaqları yaradırıq, Qış Parkının yanında yeni velosiped yolu çəkiblər.
Qış Parkı ilə gedirsiniz, birdən zolaq qırılır, çünki kiminsə zirzəmisi, balkonu qabağa çıxır. Velosiped istifadəçisi də məcburdur ki, qırılan hissələrdə yenə avtomobil yoluna çıxsın. Bununla nəyə nail olmaq istəyirik, bəlli deyil.
Yol zolağı genişləndirilmədən belə zolaqları çəkmək olmaz. Bununla məşğul olan subyekt zəhmət çəksin, hesabatı olsun. Kor-koranə hər yerdə var, bizdə də olsun prinsipi ilə yanaşmaq olmaz”, – o qeyd edib.
Kopyalandı
Seçilmişlər
