Müddət 20 ilədək azaldılır | Kimlər daha tez pensiya alacaq? - Baku TV

Azərbaycanda pensiya yaşı kişilərdə 65, qadınlarda isə 2026-cı ilin iyun ayının 30-dək 64 il 6 ay olsa da, bu, heç də hər kəsə aid deyil.

Belə ki, müəyyən sahələrdə çalışanların pensiya yaşı 5 ildən 20-dək azaldılır.

Maraqlıdır, bəs bu güzəşt kimlərə şamil olunur?

Məsələ ilə bağlı hüquqşünas Sahib Məmmədov Baku TV-yə açıqlama verib.

“Güzəşt 5 və daha artıq övladı olanlara şamil edilir. Digər kateqoriyaya isə zərərli işlərdə çalışanlar aiddir”, – deyə o bildirib.

Qanunvericiliyə görə, müəyyən şərtlərlə mülki aviasiya uçuş və uçuş-sınaq heyətində çalışanların, hərbçilərin, prokurorluq, ədliyyə, miqrasiya və fövqəladə hallar orqanlarında işləyənlərin də güzəştli şərtlərlə pensiyaya çıxmaq hüququ var.

Həmçinin hipovizqanizm xəstəliyinə tutulan və fizioloji mütənasibliyi pozulmuş cırtdanboy şəxslərin azı 5 il sığorta stajı olduqda yaş həddi 20 il azaldılmaqla yaşa görə əmək pensiyası ala bilirlər.