Nardaran sakini “həci” sözünü ucuzlaşdıranları qınadı | "Deyib ki, burada ədəbsizlik edirsən”

“O vaxtlar”ın budəfəki qəhrəmanı Nardaran sakini Nöhbala Rəhimov olub.

O, qədim adət-ənənələrimizin unudulmasından gileylənib:

“O vaxtlar çox gözəl adət-ənənələrimiz var idi. Toylarda gəlin aparılan zaman uşaqlar yolu kəsərdilər. Gəlin gətirən qafilə uşaqlara şabaş verərdi. Həmin günün özəlliyini təkcə ev sahibləri deyil, bütün məhəllə, qohum-qonşu da yaşayardı. Amma bu gün belə bir şey yoxdur. Toylar hansısa şadlıq evində keçirilir, gəlinlə bəyin gəlib-getməsindən isə heç kimin xəbəri olmur. İndi o adətlər üçün çox darıxırıq”.

Nardaran sakini “həci” sözünün ucuzlaşdırılmasından da narazılığını bildirib:

“İndi bəzi şəxslər vəzifə və pullarından istifadə edərək Həcc ziyarətinə gedirlər, lakin müqəddəs əməlləri yerinə yetirmirlər. Belə qazanılan “həci” adı ilə heç yerə çatmaq olmaz”.