Oxu.az-ın yeni redaksiyası fəaliyyətə başladı | Oxucularına türk dünyası üzrə xəbərlər çatdıracaq

Oktyabrın 7-dən Oxu.Az saytının yeni redaksiyası fəaliyyətə başlayır.

Daha əvvəl Azərbaycan və rus dillərində oxucularına operativ və maraqlı xəbərlər çatdıran sayt artıq türkdilli redaksiyası vasitəsilə də ən maraqlı xəbərləri çatdırmağa çalışacaq.

Türkdilli redaksiya – “Oxu.Az Türkcə” türkdilli xalqların, dövlətlərin informasiya məkanı ilə yerli informasiya məkanının inteqrasiyasına öz töhfəsini verməyə çalışacaq.

Türk dünyasına dair maraqlı və əhəmiyyətli xəbərlərin operativ şəkildə təqdim edilməsi ilə türkdilli redaksiya türk xalqlarının yaşadığı coğrafiyadakı informasiya mühitində unikal bir missiyanı daşımaq əzmindədir.

Türkdilli redaksiya oxucularına türk dünyası, siyasət, iqtisadiyyat, idman, mədəniyyət, informasiya texnologiyaları, cəmiyyət, hərbi və dünya kateqoriyaları üzrə xəbərlər çatdıracaq.