Qadın sahibkardan qeyri-insani addım

Talassemiya xəstəsi olan uşaqlar üçün toplanmış vəsaitləri mənimsəyən qadın həbs edilib.

Müəyyən olunub ki, "Urmedhelp” və “My Doc Tour” adlı şirkətlərin sahibi Nuridə Seyidova uşaqların əməliyyat edilməsinə dəstək adı ilə valideynlərdən külli miqdarda vəsait toplayaraq mənimsəyib.

Daxili İşlər Nazirliyinin əməkdaşı Nurlan Əliyevin sözlərinə görə, N.Seyidova polis əməkdaşları tərəfindən saxlanılıb və barəsində Cinayət Məcəlləsinin 178-ci (dələduzluq) maddəsi ilə cinayət işi açılıb.

Qeyd edək ki, araşdırmanın nəticəsindən asılı olaraq məsələyə hüquqi qiymət veriləcək.