Cəmiyyət
Pleyeri seçin:
Qanunsuzluqla mübarizə buna təsir etməyəcək | Agentlik sədri detalları açıqladı
“Son iki ayda Bakıda və Abşeron yarımadasında mişardaşı yataqlarında aparılan monitorinqlər nəticəsində 15-dən çox qeyri-qanuni hasilat faktı aşkarlanıb”.
Bu sözləri Dövlət Mineral Xammal Ehtiyatlarından İstifadə Agentliyinin sədri Samir İdayətov jurnalistlərə açıqlamasında deyib.
O qeyd edib ki, bu, ölkə iqtisadiyyatına, ekoloji vəziyyətə ciddi mənfi təsir göstərir, eləcə də dövlətin apardığı şəffaflıq siyasətinə, prinsiplərinə ziddir.
Qurum rəsmisi vurğulayıb ki, aparılmış monitorinqlər nəticəsində müəyyən edilmiş qanunsuz fəaliyyətlə bağlı hüquqi və fiziki şəxslərə qarşı qanunamüvafiq qaydada tədbirlər həyata keçirilib.
“Qeyri-qanuni fəaliyyətin qarşısının alınması bu sahədə qiymət artımına ciddi təsir göstərə bilməz. Çünki ölkə ərazisində müvafiq qaydalara uyğun olaraq fəaliyyət göstərən yerin təki istifadəçiləri mövcuddur və onlar ölkədə mişardaşına olan tələbatı tam ödəyirlər”, – S.İdayətov bildirib.
Kopyalandı
Seçilmişlər
