"Azəriqaz"ın rəhbərliyində dəyişiklik | Ruslan Əliyevi kim əvəz etdi?

Azərbaycan Dövlət Neft Şirkətinin “Azəriqaz” İstehsalat Birliyinin sədri Ruslan Əliyev vəzifəsindən azad edilib.

Onun yerinə müavini Azər Məmmədov təyin olunub. Bu barədə “Azəriqaz” İB-nin mətbuat katibi Eldəniz Vəliyev məlumat verib.

Qeyd edək ki, Azər Məmmədov SOCAR-a qədər “Azərboru” SC-də maliyyə direktoru vəzifəsində çalışıb. Daha sonra o, müxtəlif vəzifələrdə, o cümlədən 2014-cü ilin fevralında “SOCAR Georgia Gas”ın direktoru təyin olunmuşdu. 2023-cü ilin əvvəlindən isə “Azəriqaz” İstehsalat Birliyinin sədrinin müavini idi.