"Global Media Group"un Uşaqların Beynəlxalq Müdafiəsi Gününə həsr olunmuş möhtəşəm tədbiri

“Global Media Group” 1 İyun – Uşaqların Beynəlxalq Müdafiəsi Günü ilə bağlı tədbir təşkil edib.

Tədbirdə Azərbaycan Uşaqlar Birliyi – Uşaq Sığınacağı Reinteqrasiya Mərkəzinin kiçik sakinləri üçün maraqlı şou proqram, bir-birindən əyləncəli oyunlar, müxtəlif hədiyyələr təqdim olunub.

Tədbirin keçirilməsində məqsəd valideyn himayəsindən məhrum olan uşaqların cəmiyyətə düzgün adaptasiyasını təmin etməkdir.

Tədbirdə uşaqlara digər hədiyyələrlə yanaşı, 12 ədəd kompüter də təqdim edilib.

Qeyd edək ki, “Global Media Group” bu çərçivədə layihələri silsilə şəkildə davam etdirəcək.