"Məktəbli avtobusu" nə vaxtdan fəaliyyətə başlayacaq? | Emin Əmrullayevdən mühüm məlumat
2025-2026-cı tədris ilindən etibarən “Məktəbli avtobusu” layihəsi tətbiq olunacaq.
Bu barədə elm və təhsil naziri Emin Əmrullayev məlumat verib.
Nazirin sözlərinə görə, layihə əsasən nəqliyyatın sıx olduğu ərazilərdə yerləşən məktəblərdə tətbiq ediləcək. Hansı məktəbləri əhatə edəcəyi isə hələlik məlum deyil. Pilot layihənin əsas məqsədi yol-nəqliyyat sistemində sıxlığın aradan qaldırılmasına töhfə verməkdir.
Təhsil üzrə mütəxəssis Elçin Əfəndinin sözlərinə görə, layihənin tətbiqi üçün nəqliyyat infrastrukturu yaxşılaşdırılmalı, məktəblərin qarşısında xüsusi avtobus zolaqları salınmaldır.
“Əksər şagirdlərin təhsil aldığı müəssisə ilə yaşadığı yer arasında məsafə çoxdur. Belə olan halda artıq məktəbli avtobusu ilə daşıma daha münasibdir. Bir çox ölkələrdə bu təcrübə var və iki üsuldan istifadə olunur: ünvandan daşıma və toplantı məntəqəsindən daşıma.
Eyni ərazidə yaşayan şagirdlər üçün müəyyən bir məntəqə ayrıla bilər. Deyilən vaxtda şagirdlər toplanır və onların daşınması məktəbli avtobusu vasitəsilə həyata keçirilir”, ‒ deyə o bildirib.
Qeyd edək ki, layihə Prezident İlham Əliyevin Sərəncamı ilə təsdiqlənən Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramında əksini tapıb.
#Elm və Təhsil Nazirliyi teqi istifadə olunub
- Millət vəkili Səyyad Salahlı elm və təhsil nazirinə səsləndi
- SOCAR SAF 2025-də innovativ stendi ilə iştirak edir
- Bakıda Beynəlxalq STEAM Azərbaycan Festivalı start götürdü | Nazir tədbirdə çıxış etdi
- Sertifikasiyadan keçmiş müəllimlərin maaşlarına əlavələr niyə ödənməyib?
- Yeni sistemin Azərbaycan məktəblərinə gətirilməsi üzərində işlənilir
