"NINE SENSES" incəsənət mərkəzində yaradıcılıq marafonu keçirilib

1 İyun – Uşaqların Beynəlxalq Müdafiəsi Günü münasibətilə “Nine Senses” yaradıcılıq və özünüinkişaf incəsənət mərkəzində uşaqlar və onların valideynlərinin iştirakı ilə “Yaradıcılıq Marafonu” keçirilib. Marafon zamanı uşaqlar valideynləri ilə birlikdə müxtəlif incəsənət nümunələri yaradır, rəsm çəkir və oynayırlar.

Marafonun keçirildiyi “Nine Senses” Xəzər dənizinin sahilində xüsusi atmosferi olan bir məkandır. Siz burada ailə üzvlərinizlə həftə sonu istirahət edə bilərsiniz. Bəhs etdiyimiz incəsənət mərkəzinin şüarı “İçindəki istedadı kəşf et”dir.

Yaradıcılıq marafonunda Suraxanı 2 saylı uşaq evinin sakinləri də iştirak ediblər.

Marafonda əllə modelləşdirmə və keramika, teatr sənəti, mədəniyyət və nitq texnikası üzrə ustad dərsləri, eləcə də şahmat turniri təşkil olunub. Bundan əlavə, ritmoplastika, teatr aktyorluğu, etika sənəti və etiket, eləcə də bədii yaradıcılıq üzrə ayrıca bloklar mövcuddur.

“Nine Senses” yaradıcılıq və özünü inkişaf sənət mərkəzində ruhunuza ən yaxın bildiyiniz peşəni seçərək daxilinizdəki bütün gizli istedadları üzə çıxara bilərsiniz. Bundan əlavə, mərkəzdə çox faydalı bədən məşqləri, maarifləndirici və əyləncə proqramları, meditasiya dərsləri, sərgilər və film nümayişləri keçirilir, üç dildə hər yaşa uyğun animasiya məktəbi fəaliyyət göstərir.