Pleyeri seçin:
Şəhidlər xiyabanında qeyri-etik videolar çəkən əcnəbilər azadlığa çıxır - Baku TV
Şəhidlər Xiyabanında nalayiq hərəkətlər etməkdə təqsirləndirilən Səudiyyə Ərəbistanının 3 vətəndaşı azadlığa buraxılır.
Bu barədə Bakı Apellyasiya Məhkəməsində hakim Əfqan Ələkbərovun sədrliyi ilə keçirilən sonuncu prosesdə qərar qəbul edilib. Belə ki, onların cəzası 2 ildən 6 aya endirilib.
Qeyd edək ki, təqsirləndirilən əcnəbilərdən birinin vəkili Vusal Həsənovun dediyinə görə, onların saxlanılma protokollarında həbs olunma tarixi 2025-ci il avqustun 18-i qeyd olunub. Bu da onu deməyə əsas verir ki, Bakı Apellyasiya Məhkəməsinin son qərarı ilə əcnəbilərin cəzasının başa çatma müddəti 18 fevral 2026-cı il tarixə təsadüf edilir. Hökmün icrasından sonra onların deportasiya olunması ilə bağlı qərar isə qüvvədə saxlanılıb.
Onu da qeyd edək ki, təqsirləndirilən ərəblər Penitensiar Xidmətin Şüvəlan qəsəbəsində yerləşən 3 saylı İstintaq Təcridxanasında saxlanılırlar.
Kopyalandı
Seçilmişlər
