SOCAR-ın Bakı Ali Neft Məktəbinin nəzdində fəaliyyət göstərəcək təhsil ocağının açılış mərasimi

SOCAR-ın Bakı Ali Neft Məktəbinin (BANM) nəzdində fəaliyyət göstərən Rəqəmsal Biliklər Liseyinin rəsmi açılış mərasimi keçirilib.

Tədbirdə SOCAR-ın vitse-prezidentləri, Elm və Təhsil Nazirliyinin nümayəndələri, Bakı Ali Neft Məktəbinin rəhbər heyəti, valideynlər, tələbələr və şagirdlər iştirak ediblər.

Açılış mərasimində çıxış edən SOCAR-ın vitse-prezidenti Ziba Mustafayeva Şirkətin sosial layihələrə, xüsusilə təhsil və elm sahələrinin inkişafına xüsusi önəm verdiyini və bu istiqamətdə daim dəstək göstərdiyini vurğulayaraq Bakı Ali Neft Məktəbinin, yeni yaradılan Rəqəmsal Biliklər Liseyinin mühüm layihələrdən olduğunu qeyd edib.

Bakı Ali Neft Məktəbinin rektoru Elmar Qasımov liseydə şagirdlərə rəqəmsal bacarıqlarla yanaşı, sosial bacarıqların da aşılanması istiqamətində məqsədyönlü işlərin aparıldığını və yaxın gələcəkdə bu təhsil ocağının orta təhsil müəssisələri arasında xüsusi fərqlənəcəyini vurğulayıb.

Tədbirdə şagirdlərin ifasında 8 Noyabr – Zəfər Gününün beşinci ildönümünə həsr olunmuş ədəbi-bədii kompozisiya təqdim edilib.