Ukraynalı uşaqlar ölkəmizdə reabilitasiya keçəcək

Rusiyanın başlatdığı müharibə səbəbindən zərər çəkən daha 30 ukraynalı məktəbli avqustun 4-də Azərbaycana gəlib.

Onlar iki həftə ərzində Bakıda reabilitasiya keçəcəklər. Ölkəmizdə qonaq olan uşaqlar artıq paytaxtın gözəl guşələrində olub, tarixi məkanlara baş çəkiblər.

Səfər barədə təəssüratlarını bölüşən uşaqlar hər şeyin çox gözəl olduğunu, gördüklərinə heyran qaldıqlarını bildiriblər.

Qrup rəhbəri Lüdmila Korniyaka isə deyib ki, hava limanından çıxandan etibarən onları xoş qarşılayıblar.