Uşağınızın davranışlarının daha yaxşı olmasını istəyirsinizsə... | Qidalanma barədə məsləhət

Balıq və dəniz məhsulları beyin inkişafında və idrak funksiyasında mühüm rol oynayan omeqa-3 yağ turşuları, yod və seleniumdan ibarətdir.

Belə qidaların uşaqların davranış xüsusiyyətlərinə necə təsir etdiyini öyrənmək üçün Bristol Universitetinin alimləri "90-cı illərin uşaqları" adlı araşdırmanın məlumatlarını təhlil ediblər.

Layihə çərçivəsində 5969 uşağın və onların valideynlərinin, sonra isə nəvələrinin sağlamlığı və qidalanması haqqında informasiya toplanıb.

Nəticələr göstərib ki, tez-tez balıq yeyən uşaqların, dostluq münasibətləri və paylaşma kimi sosial davranışlar nümayiş etdirmə ehtimalı daha yüksəkdir. Həmçinin müəyyən edilib ki, balıq qida rasionuna daxil edilmədikdə yeddi yaşlı uşaqlarda prososial davranış 35% daha çox suboptimal olur. Doqquz yaşlı oğlan və qızlar arasında bu göstərici 43%-ə yüksəlib.

Qeyd olunub ki, sağlam, balanslaşdırılmış qida rasionu həftədə ən azı iki porsiya balıqdan ibarət olmalıdır. Eyni zamanda həftədə bir dəfə yağlı balıq, yəni qızılbalıq, skumbriya və ya sardina yemək lazımdır.