Vasif Talıbovun qudası vəzifədən kənarlaşdırıldı

Naxçıvan Neft və Qaz Məhsulları Təminatı Müəssisəsinin rəhbəri işdən azad olunub.

Müəssisənin direktoru Bəhruz Əzimov öz ərizəsi əsasında vəzifəsindən uzaqlaşıb. Onun yerinə Cəlal Mehdiyev müəssisənin direktoru təyin olunub.

Qeyd edək ki, Bəhruz Əzimov Naxçıvan Muxtar Respublikası Ali Məclisinin deputatı, sabiq sədr Vasif Talıbovun qudasıdır.

Həmçinin əlavə edək ki, Naxçıvan Neft və Qaz Məhsulları Təminatı Müəssisəsi Naxçıvan ərazisində olan bütün yanacaqdoldurma məntəqələrinin neft məhsulları və qazla təminatını həyata keçirir.