Xaçatryan yenidən məhkəmədə: Yatdığım yerdə güllələndim

Azərbaycanlılara qarşı soyqırımında ittiham olunan Vaqif Xaçatryanın məhkəmə prosesində zərərçəkmişlərdən Salman Rəhimov ifadə verib.

Salman Rəhimov bildirib ki, Meşəli hadisələri vaxtı kənddə olub: “Səhər saatlarında ermənilər kəndə hücum etdilər. Yatdığımız yerdə bacım və mən ayağımızdan güllə yarası aldıq. Hücum edənlər Badara kəndində yaşayan ermənilər idi. Bütün kənd camaatı orda dedi ki, bu işin təşkilatçısı Vaqif olub. Dayım, nənəm həmin hücum zaman qətlə yetirilib”.