Xaçmazda Azərbaycan Polisi Günü təntənəli şəkildə qeyd olunub | Elnur Rzayev çıxış etdi

Xaçmazda Azərbaycan polisinin yaranmasının 107-ci ildönümü münasibətilə tədbir keçirilib.

Tədbir iştirakçıları əvvəlcə ümummilli lider Heydər Əliyevin abidəsi önünə gül-çiçək dəstələri düzüb, dahi şəxsiyyətin əziz xatirəsini ehtiramla yad ediblər.

Xaçmaz Rayon Polis Şöbəsində keçirilən tədbirdə Dövlət Himni səsləndirilib. Ümummilli Lider Heydər Əliyevin və şəhidlərin əziz xatirəsi bir dəqiqəlik sükutla yad edilib. Daxili işlər naziri Vilayət Eyvazovun təbrik məktubu oxunub.

İcra başçısı Elnur Rzayev polis əməkdaşlarını peşə bayramı münasibətilə təbrik edib, onlara çətin və şərəfli vəzifələrində uğurlar arzulayıb. O bildirib ki, tarixin bütün dönəmlərində dövlətçiliyin keşiyində ayıq-sayıq dayanan polis orqanlarına ulu öndər Heydər Əliyev həmişə böyük qayğı ilə yanaşıb və bu xətt Prezident İlham Əliyev tərəfindən bu gün də uğurla davam etdirilir.

Xaçmaz Rayon Polis Şöbəsinin rəisi, polis polkovniki Samir Məcidov bildirib ki, polis əməkdaşları qanunlara, xalqa, Vətənə, ümummilli lider Heydər Əliyev ideyalarına və Prezident İlham Əliyevə daim sadiqdirlər və ictimai asayişin, vətəndaşların hüquq və azadlıqlarının qorunmasında bundan sonra da şərəflə çalışacaqlar.

Sonda polis işçilərinin peşə bayramı münasibətilə və rayon ərazisində cinayətkarlığa qarşı mübarizənin aparılmasında, ictimai asayişin qorunmasında fəal iştirakına görə bir qrup polis əməkdaşı daxili işlər naziri Vilayət Eyvazovun əmri ilə mükafatlandırılıb. Həmçinin xidmətdə fərqlənən polis əməkdaşlarına Xaçmaz Rayon İcra Hakimiyyətinin Fəxri Fərmanı və polis veteranlarına xatirə hədiyyələri təqdim olunub.