Yuxarı Qarabağ kanalında son vəziyyət

Aprelin 16-da Yuxarı Qarabağ kanalının Bərdə rayonu ərazisindən keçən hissəsində, su kanalının 51-ci kilometrliyində baş verən sızmanın qarşısı alınıb.

Bildirilib ki, sızmaya kanalın sağ sahilini suda yaşayan heyvanların oyması səbəb olub. Nəticədə kanalın sağ sahilindəki örüş-otlaq sahəsini, kanalın mühafizə zolağını və nasos stansiyasını su basıb. Ərazidə yerləşən fermer təsərrüfatına ziyan dəyib.

Qeyd edək ki, bərpa işlərinə Bərdə, Tərtər, Ağdam və Yevlax rayonlarının Suvarma Sistemləri İdarəsinin əməkdaşları və texnikası cəlb edilib.