Yuxarı Qarabağ kanalındakı daşqından sonra Bərdədə yaranan vəziyyət

Ötən gün Yuxarı Qarabağ kanalında bəndin uçması nəticəsində Bərdənin Qaraqoyunlu kəndi subasmaya məruz qalıb.

Ən çox ziyanın evlərə və təsərrüfatlara dəydiyi bildirilir. “200-ə yaxın toyuq-cücəni, ot tayasını, taxılı su apardı”, – kənd sakini deyib.

Qeyd edək ki, avqustun 2-də Yuxarı Qarabağ kanalının bəndinin dağılması nəticəsində Bərdənin Qaraqoyunlu kəndində 35 fərdi yaşayış evinin zirzəmisi, 10 hektar həyətyanı torpaq sahəsi və hektarlarla əkin sahəsi suyun altında qalıb. Hazırda kənd ərazisində sel sularının törətdiyi fəsadların aradan qaldırılması istiqamətində işlər aparılır.