Ziyana düşmək istəmirsinizsə... | Kredit götürərkən nələrə diqqət etməliyik?

Kredit götürərkən vətəndaşların ən çox diqqət yetirməli olduqları məqam kreditin faiz dərəcəsidir.

Bu barədə Baku TV-yə açıqlamasında iqtisadçı Xalid Kərimli məlumat verib.

Onun sözlərinə görə, kredit müqaviləsində həm nominal, həm də effektiv faiz dərəcəsi açıq şəkildə göstərilməlidir:

“Vətəndaş müqavilədə kreditin effektiv faizini görməlidir. Ola bilsin ki, kreditin nominal faizini bank aşağı desin, amma komissiyalar yüksək ola və yaxud da bank olmayan kredit təşkilatları bu fəndlərdən istifadə edə bilər”.

Xalid Kərimli əlavə edib ki, Mərkəzi Bankın tələbinə əsasən, təqdim olunan müqavilələrdə effektiv faiz dərəcəsi mütləq göstərilməlidir ki, vətəndaş ümumi öhdəliklərini tam dərk etsin:

“Vətəndaş həmçinin gecikmə və cərimə faizlərini də bilməlidir. Əgər müəyyən səbəbdən ödəniş gecikərsə, nominal faizlə yanaşı, əlavə cərimə faizləri də tətbiq oluna bilər”.