Açıq şəkildə deyirik ki... | Simonyandan Rusiya ilə gərginlik barədə sərt sözlər
“Ermənistan Kollektiv Təhlükəsizlik Müqaviləsi Təşkilatı (KTMT) ilə bağlı mövqeyinə yenidən baxmaq niyyətində deyil”.
Bunu Ermənistan parlamentinin sədri Alen Simonyan deyib.
“KTMT-nin nəyi nəzərdən keçirməli olduğu aydın olmalıdır. Əgər təşkilat mövcuddursa, sərhədin harada olduğunu, hansı addımları atmalı və ya atmamalı olduğunu açıq şəkildə bəyan etməlidir”, – deyə A.Simonyan vurğulayıb.
O, Baş nazir Nikol Paşinyanın göstərişi ilə Ermənistanın idarələrinin rusiyalı tərəfdaşları ilə əməkdaşlığı intensivləşdirməyə başlaması barədə yayılan məlumatları da təkzib edib.
A.Simonyan eyni zamanda Ermənistan-Rusiya münasibətlərindəki gərginliyin sonsuza qədər davam edə bilməyəcəyini bildirib:
“Münasibətlərimizdə problemlər olub və bu məsələlər gündəmə gətirilib. Xaricdən səslənən qiymətləndirmələr reallığa uyğun gəlmir. Bir fakt dəyişməz qalır: Ermənistan öz müstəqilliyini və suverenliyini qoruyur”.
O əlavə edib ki, İrəvan hər hansı bir strukturun fəaliyyətindən və ya qərarlarından narazı qaldıqda bunu açıq şəkildə bəyan edir:
“Biz heç vaxt hər hansı bir ölkə ilə münasibətləri tamamilə kəsmək niyyətində olmamışıq. Bu, Rusiya ilə əlaqələrimizə də aiddir. 2021-2024-cü illərdə yaranan vəziyyətlərlə bağlı Ermənistanın qaldırdığı suallar hələ də cavab gözləyir”.
#Ermənistan teqi istifadə olunub
- Ermənistan–ABŞ işçi qrupunun ilk görüşü keçirilib
- Azərbaycandan Ermənistana ixrac edilən neft məhsulları Böyük Kəsik stansiyasına daxil oldu - Baku TV
- Azərbaycandan Ermənistana göndərilən yanacaq Biləcəridən yola salınıb - Baku TV
- Göyçədə 35 şagirdi olan kənddə 800 şagirdlik məktəb azərbaycanlılar üçün tikilir?
- Macarıstan Azərbaycana görə qoyduğu vetonu geri götürüb - Paşinyan təsdiqlədi
