Avropa 30 min hərbçini... | Ukraynadakı müharibənin gedişatını dəyişdirəcək xəbər

“Avropa liderləri Ukrayna ərazisinə 25-30 minlik kontingentin yerləşdirilməsi variantını nəzərdən keçirirlər, lakin onlar təmas xəttində yerləşməyəcəklər”.

Bu barədə “Washington Post“ qəzeti mənbələrə istinadən məlumat yayıb.

“Bu variant Rusiya qoşunlarının müharibəni bərpa edəcəyi təqdirdə, güc nümayiş etdirməyə hazır olacaq bir neçə briqadadan, ola bilsin ki, 25 mindən 30 minə qədər qoşundan ibarət qüvvələrin yaradılmasını nəzərdə tutur”, – deyə mənbə yazır.

Bu arada, Fransanın paytaxtı Parisdə Avropa İttifaqı liderləri münaqişə başa çatdıqdan sonra təhlükəsizlik təminatlarını təmin etmək üçün Ukraynaya qoşun göndərilməsi məsələsini müzakirə edəcəklər. Bu barədə Slovakiyanın Baş naziri Robert Fitso bildirib.

Qeyd edək ki, sammitdə Almaniya, Böyük Britaniya, Polşa, İspaniya, Niderland və Danimarka liderlərinin iştirakı gözlənilir.