Ermənistan seçkilərdə iştirakdan niyə imtina etdi?

Ermənistanın KTMT Parlament Assambleyasındakı nümayəndələri Belarusda keçirilən parlament seçkilərinə müşahidəçi qismində getməyiblər.

Rusiya KİV-in yaydığı xəbərə görə, Ermənistan istisna olmaqla KTMT-nin bütün üzvləri seçkilərdə müşahidəçi qismində təmsil olunurlar. Ermənistanın seçkilərdə müşahidəçi qismində iştirak etməməsinin səbəbi açıqlanmayıb.

Qeyd edək ki, Ermənistanın Baş naziri Nikol Paşinyan daha əvvəl “France24” telekanalına müsahibəsində ölkəsi ilə bağlı kollektiv təhlükəsizlik sazişinin yerinə yetirilmədiyini, buna görə də İrəvanın KTMT-dəki iştirakını dondurduğunu bildirmişdi.

Rəsmi Moskva isə bu bəyanatla bağlı İrəvandan izahat tələb edib.