Fransa küçələrində atəş səsləri və həbslər dayanmır

Fransada etiraz aksiyaları səngimək bilmir. Təhlükəsizlik qüvvələri etirazçılardan 855 nəfəri saxlayıb.

Nümayişlərdə asayişi təmin etmək üçün 12 min polis cəlb edilib. Paris meriyası pensiya islahatlarına qarşı davam edən etirazlarla bağlı böhran qərargahı yaradıb. Qərargahda baş verənləri təhlil etmək üçün gündəlik iclaslar keçiriləcək.

Qeyd edək ki, Fransada təklif olunan yeni qanun layihəsində pensiya yaşının həm qadınlar, həm də kişilər üçün 62-dən 64-ə qaldırılması nəzərdə tutulur. Həmçinin bəzi xüsusi pensiya növlərinin ləğv ediləcəyi bildirilib. Milyonlarla insanın etirazlarına səbəb olan mübahisəli pensiya islahatının yekun mətni artıq Senatda qəbul edilib.