İrandan mühüm addım | Fars Ölkələri Birliyi yaradılır?
Farsdilli Ölkələr Birliyinin yaradılması ideyasının reallaşdırılması üçün işçi qrupu təşkil olunsun.
Bu təkliflə İranın Mədəni İrs, Turizm və Əl İşləri Təşkilatının sədr müavini Əli Darayi çıxış edib.
O, bu təklifi İran-Tacikistan ortaq mədəni irsi ilə bağlı keçirilən tədbirdə irəli sürüb.
Tədbirdə Tacikistan nümayəndə heyəti və Düşənbənin Tehrandakı səfirliyinin nümayəndələri iştirak ediblər. Bildirilib ki, gələcəkdə Ermənistanın da bu təşkilatda təmsil olunması üçün təkliflər nəzərdə tutulub.
Əli Darayi hər iki ölkənin mədəni və milli irsinin beynəlxalq səviyyədə qeydə alınması ilə bağlı əməkdaşlıq edəcəklərini söyləyib.
Qeyd edək ki, İran Tacikistanda siyasi-ideoloji təbliğat apardığına və bu ölkədə radikal dini cərəyanları dəstəklədiyinə görə rəsmi Düşənbə Tehranla münasibətdə ehtiyatlı davranır.