Pleyeri seçin:
İsrail Livanda anonsunu verdiyi əməliyyatlara başladı
İsrail Ordusunun anonsunu verdiyi quru əməliyyatı çərçivəsində Livan ərazisinə daxil olduğu bildirilir.
Bu barədə “Al Arabiya” telekanalı məlumat yayıb.
Məlumata görə, İsrailin zirehli texnikası Metula bölgəsində Livanla sərhədi keçib.
Göründüyü kimi, İsrail Ordusu Livanın cənubunda dəfələrlə elan etdiyi quru əməliyyatlarını başladıb. İsrailin sərhəddə 20 kilometrlik bufer zona yaratmağı planlaşdırdığı bildirilir.
Yerli media baş verənləri “Üçüncü Livan müharibəsi” adlandırıb.
Hazırda İsrail Ordusunun istehkamçıları Livanın cənubunda maneələri aradan qaldırır. Məlumata görə, Livan qoşunları ölkənin cənub sərhədi boyunca İsraillə sərhədin beş kilometr şimalındakı mövqelərdən geri çəkilib.
ABŞ Dövlət Departamentinin mətbuat katibi Metyu Miller bildirib ki, İsrail Livanda bir sıra məhdud quru əməliyyatları barədə rəsmi Vaşinqtonu məlumatlandırıb.
Kopyalandı
