İsrailli girovlar bundan sonra azad ediləcək! - Netanyahunu qəzəbləndirəcək açıqlama

“Əgər İsrail müharibəyə son qoysa, biz israilli məhbusları azad etməyə hazırıq”.

Bunu HƏMAS-ın Qəzzadakı lideri Xəlil əl-Hayya İsrailin atəşkəs təkliflərinə cavab olaraq bildirib.

O, HƏMAS üzvlərinin tərk-silah edilməsi ilə isə razı deyil.

Xatırladaq ki, tərəflər arasında atəşkəsə dair növbəti razılaşma aprelin 20-də imzalana bilər. Belə bir ehtimalla xarici media məlumat paylaşıb. Xəbərdə istinad edilən mənbənin adı açıqlanmasa da, 3-cü raundun baş tutması üçün bütün sənədlərin hazır olduğu bildirilib.

Qeyd edək ki, Xəlil əl-Hayya bir neçə müddət öncə öz açıqlamasında bildirmişdi ki, Fələstinin HƏMAS hərəkatının vasitəçiləri mart ayının sonunda təkliflər paketi irəli sürsələr də, İsrail tərəfi bununla razılaşmadığından gərginlik səngimək bilmir.

Bütün bünların fonunda İsrail tərəfi Qəzza zolağında bufer zonanın yaradılmasına və ilk fələstinlilərin oraya köçürülməsinə icazə verib. İlkin mərhələdə Moraq dəhlizi ‒ Qəzza zolağı ilə Misir arasındakı sərhəd boyunca uzanan 14 kilometrlik ərazidə onlarla ailə məskunlaşıb.