Məşhur rusiyalı blogerin Türkiyədə faciəvi ölümü | Hadisənin təfərrüatları

“Rusiyanın ən gözəl baykeri” adlandırılan “MotoTanya” ləqəbli rusiyalı bloger Tatyana Ozolina Türkiyənin Muğla vilayətində qəza keçirərək ölüb.

Bu barədə Türkiyə mediası məlumat yayıb.

Bildirilib ki, Onur Obutun idarə etdiyi yük maşını Sökə və Milas şəhərləri arasındakı magistralda Sarıçay kəndi yaxınlığında rusiyalı Tatyana Ozolinanın idarə etdiyi motosikletlə toqquşub.

38 yaşlı Tatyana iki türk motosikletçi ilə İzmirdən Bodruma gedirmiş. T.Ozolina idarəetməni itirərək yük maşınına çırpılıb. Qadın təcili yardım gələnə qədər həyatını itirib.