Müharibənin gedişatını dəyişəcək xəbər | Müdafiə naziri sülhməramlılarla bağlı detalları açıqladı

06 dekabr 2024 231 baxış

Almaniya Ukraynada atəşkəsdən sonra sülhməramlı qüvvələrdə iştirakının mümkünlüyünü istisna etmir.

Bu barədə Almaniyanın müdafiə naziri Boris Pistorius bildirib.

Nazir qeyd edib ki, sülhməramlı qüvvələrdə iştirak məsələsi şərtlərin nə olmasından asılı olacaq.

“Biz hazırlaşırıq, ssenarilər qururuq, amma bunu məxfi edirik. İndi bunu açıq şəkildə müzakirə etməyin vaxtı deyil. Nəticədə sülhməramlı qüvvələrdə hərbi iştirak məsələsi şərtlərdən asılı olacaq”, – deyə alman nazir bildirib.

O vurğulayıb ki, atəşkəs olsa və sülhməramlı tədbirlər barədə qərar verilsə, bu həmçinin mandat növündən, tələblərin sayından və tərəflərin razılığından asılı olacaq.

Qeyd edək ki, daha əvvəl Almaniya kansleri Olaf Şolts deyib ki, Ukraynaya müharibə dövründə alman hərbçilərinin göndərilməsi imkanını nəzərdən keçirmir.

#Almaniya