Paşinyan Overçuku qəbul etməyəcək? | Gevondyandan sensasiyalı açıqlama
Rusiya Baş nazirinin müavini Aleksey Overçuk gələn həftə Ermənistan hökumətinin Avrasiya İqtisadi Birliyinin qanunvericiliyinə zidd qərarı və Cənubi Qafqazda nəqliyyat dəhlizlərinin açılmasının bəzi nüanslarını müzakirə etmək üçün İrəvana gələcəyini və Baş nazir Nikol Paşinyanla görüşməyə ümid etdiyini açıqlayıb.
A.Overçukun bəyanatını şərh edən erməni politoloq Robert Gevondyan Baş nazirin onu qəbul etməməli olduğunu deyib.
“Əvvəla, ümidvar olduğumu bildirmək istərdim ki, N.Paşinyan A.Overçuku qəbul etməyəcək. Çünki Rusiya Baş nazirinin müavini yuxarıda qeyd olunan məsələləri müzakirə etmək üçün Ermənistan Baş nazirinə bərabər şəxs deyil.
Beynəlxalq münasibətlərdə etik normaların qorunub saxlanması nöqteyi-nəzərindən Ermənistan Baş naziri ilə yuxarıda qeyd olunan məsələləri müzakirə etmək üçün ya Rusiya Prezidenti Vladimir Putin, ya da Baş nazir Mixail Mişustin gəlsəydi, düzgün olardı.
N.Paşinyan buna baxmayaraq, A.Overçuku qəbul etmək qərarına gəlsə, ümid edirəm ki, o, Rusiya Baş nazirinin müavininə Ermənistan hökumətinin qərarlarını onunla müzakirə etməyə imkan verməyəcək”, – ekspert qeyd edib.
#Rusiya teqi istifadə olunub
- Müharibə ABŞ və Rusiya hansı iqtisadi üstünlükləri qazandırır? - AKTUAL GÜNDƏM
- Biləcəridən Ermənistana yola salınan qatarla nələr göndərilir? - Baku TV
- Rusiya ilə münasibətlər Çinlə əlaqələri sual altına alır? | “Politico”dan şərh
- Müctəba Xameneinin harada olduğu barədə rəsmi açıqlama
- Erməni politoloqdan iddia: Rusiya keçiriləcək seçkilərə 100 milyon dollar ayırdı - AKTUAL GÜNDƏM
