Pezeşkian açıqlama verdi | "Danışıqların necə aparılmalı olduğunu deyib" - Baku TV

"İranın mərhum ali rəhbəri Əli Xamenei ABŞ ilə danışıqlara qarşı olmayıb".

Bunu İran Prezidenti Məsud Pezeşkian deyib.

"12 günlük müharibə zamanı mən həlak olan liderin yanında xidmət edirdim və o, danışıqların necə aparılmalı olduğunu deyib", – deyə Pezeşkian bildirib.

Onun sözlərinə görə, Əli Xamenei ABŞ ilə danışıqların aparılmalı olduğunu qabardıb. Lakin indi bəziləri danışıqlara ehtiyac olmadığını təbliğ edir.

Bu arada, Məsud Pezeşkian ölkədə internetin beynəlxalq şəbəkəyə çıxışının bərpası ilə bağlı qərarı təsdiqləyib. Qərar icrası üçün Rabitə və İnformasiya Texnologiyaları Nazirliyinə göndərilib.

ABŞ və İsrailin hücumlarının başladığı fevralın 28-dən etibarən İranda beynəlxalq internetə çıxış tamamilə bloklanmışdı. İnternet məhdudiyyətlərinin tətbiq olunduğu ölkədə hökumət beynəlxalq şəbəkəyə məhdud çıxış imkanı verən "Ağ SİM Kart" proqramını istifadəyə vermişdi. Bu xidmətdən yalnız xarici missiya rəhbərləri, diplomatlar, siyasətçilər, bəzi jurnalistlər, tanınmış şəxslər və sənətçilər yararlana bilirdi. Hazırda ölkədə sıravi vətəndaşlar üçün adi internet bağlantısı əsasən VPN proqramları vasitəsilə mümkün olur.